मध्यपुर थिमि नगरपालिका वडा ७ नगदेश स्थित नेवा एतिहासिक सांस्कृतिक भजन खलले यस बर्ष एतिहासिक पुलुकिसी नाच यहि माघ १६ गते गर्ने भएको छ । खल ले सोमबार नगदेश लाछी टोल स्थित गणेश मन्दिर परिसरमा आयोजना गरेको पत्रकार सम्मेलनमा उक्त कुराको जानकारी दिएको हो । कार्यक्रममा यस बर्षको पुलुकिसी नाचमा नगदेश निवासी युवा जेनिस बाडेले नवराजको भूमिका निभाउने पनि जानकारी दिएको थियो । पत्रकारिता क्षेत्रमा उदयमान छबी बनाउदै गरेका जेनिस बाडेले उक्त कार्यक्रममा बोल्नु हुँदै नगदेशका युवा हरुलाई लोपुन्मुख जात्रा पर्ब तथा संस्कृति जोगाउन प्रेरणा दिने अभिप्रायले आफुले उक्त भूमिका खेल्न लागेको नेपाल डायरी न्युजलाई जानकारी दिनु भयो । बरिस्ठ संस्क्रितिबिद , इतिहासविद प्रा.डा पुरुषोतम लोचन श्रेष्ठको प्रमुख आतिथ्यतामा सम्पन्न भएको उक्त पत्रकार सम्मेलनमा बोल्नु हुँदै उहाले नगदेशको ऐतिहासिकताको साक्षीका रुपमा रहेको र बिभिन्न समयमा निरन्तरता पाउन नसकेको जात्रा युवा पुस्ता र स्थानीयको पहलमा संचालनमा आउनु सुखद पक्ष रहेको बिचार व्यक्त गर्नु हुँदै पुलुकिसी नाचको महत्व र एतिहासिकताका बारेमा बिचार व्यक्त गर्नु भयो । नेपाली समुदायमा बिशेश महत्व राख्ने स्वस्थानी ब्रताकथामा उक्त जात्रा आधारित रहेको छ । मंशिर २४ गते देखि नै आन्तरिक रुपमा नाच तथा बाजा प्रक्शिक्षण सुरु भै सकेको छ भने अन्य तयारीहरु पनि तिब्र रुपमा भै रहेको आयोजक नेवा एतिहासिक सांस्कृतिक भजन खलका अध्यक्ष तथा गुरु तुलसी भक्त घजुले बताउनु भयो । माघ १६ गते भिम द्वादशीका दिन नगदेशका बिभिन्न स्थानहरुमा उक्त नाच प्रदर्शनी गरिने भएको छ भने नवाराजका रुपमा जेनिस बाडेका अलावा नागाचाका रुपमा श्रीजल बादे र सहेलीका रुपमा चार्भी बाडे र दिप्सा उपले भूमिका निभाउने पनि उक्त पत्रकार सम्मेलनमा जानकारी दिइएको छ । साथै यस बर्षको बिशेष आकर्शनका रुपमा स्वर्गीय जगत नसिंह बादे लाइफ टाइम एचिभमेन्ट अवार्ड समेत प्रदान गरिने बताइएको छ । उक्त अवार्ड या बर्ष नेवा एतिहासिक सांस्कृतिक भजन खल का अध्यक्ष तथा गुरु तुलसी भक्त घजु र नाचका गुरु आशाबहादुर उप लाइ प्रदान गरिने पनि प्रेस बिज्ञप्तिमा जनाइएको छ । कार्यक्रमको आपचारिक समापन स्वस्थानी ब्रत कथाको समापन हुने दिन माघ १८ गते चांगुनारायण मन्दिर परिसरमा गरिने समेत बताइएको छ ।